Во баражот за влез во Втората македонска фудбалска лига влегуваат осум екипи, пет третолигаши и три второлигаши.
Веќе се познати екипи кои ќе играат во второлигашките бараж, останува само дилемата за последниот патник.
Кожуф, Тетекс и Каменица Саса се трите второлигаши кои ќе се борат за опстанок во Втората македонска фудбалска лига. Од третолигашите сигурно ќе играат Камјани кој стана шампион во Трета лига – Запад, Влазними од Струга кој стана шампион во Трета лига – Југозапад, Еуромилк ГЛ кој е шампион во Трета лига – Север и Борец кој е шампион во Трета лига – Југ.
Останува дилемата на три кола до крајот во Трета лига – Исток, дали лидерот Победа Валандово или второпласираниот Овче Поле ќе биде последниот патник во баражот за Втора лига.
- Што вели табелата во Трета лига – Исток и распоредот на „калинкарите“ и „овчарите“ за шампионскиот трофеј вреден бараж за Втора лига?
Победа Валандово е прва со 38, а Овче Поле е втор со 37 бодови, само еден бод е разликата
- РАСПОРЕД
20 коло
Овче Поле – Дојранско Езеро
Победа Валандово – Тиверија
21 коло
Карбинци – Победа Валандово
Хоризонт Турново – Овче Поле
22 коло
Овче Поле – Малеш
Победа Валандово – Брегалница Делчево
Победниците од овие бараж натпревари ќе бидат нови членови на Втората македонска фудбалска лига за сезона 2026/2027.
