Екипата на Скопје денес со убедливи 8:0 го декласираше Топ Гол на домашен терен и официјално на четири кола до крајот и математички стана нов шампион во Првата женска фудбалска лига.
Во рамки на 23. коло тимот од Пржино сосема очекувано ја оправда фаворитската улога славејќи над гостинот од Битола.
Двоен стрелец во големата победа на Пржино беше Блехана Алиеска, а по еден гол постигнаа Бесарта Фида, Емили Митковска, Кристина Крстева, Тамара Атанасовска, Емилија Ивковиќ и Ања Головска.
Скопје е на врвот со 66 бодови, а на второто место во ПЖФЛ е Тиверија Брера од Струмица со 51 бод.
До крајот од сезоната новиот шампион Скопје ќе игра со Каменица Саса во гости, со Љуботен дома, Истатов и во последното коло против Тиверија Брера дома.
