По повод патрониот празник на СОУ „Коста Сусинов“ од Радовиш, се одржа одбојкарски турнир во кој учество земаа средното училиште домаќин и три основни училишта од општината, создавајќи убава спортска атмосфера и вистински натпреварувачки дух.
На турнирот беа одиграни натпревари исполнети со неизвесност, динамична игра и чести пресврти во резултатот, што дополнително ја зголеми возбудата кај присутните ученици, професори и љубители на спортот.
- Конечен пласман:
СОУ „Коста Сусинов“ – Радовиш
ООУ „Никола Карев“ – Радовиш
ООУ „Крсте Петков Мисирков“ – Радовиш
ООУ „Коста Рацин“ – с. Подареш, Радовиш
Во големото финале, средношколците од СОУ „Коста Сусинов“ прикажаа одлична игра и успеаја да слават против силната екипа на ООУ „Никола Карев“, освојувајќи го првото место на турнирот.
По завршувањето на натпреварите, беа доделени пехарите и признанијата за најдобрите екипи. Наградите ги врачи директорот на СОУ „Коста Сусинов“, Миле Арсов, кој упати честитки до сите учесници за фер-плеј, спортска борба и достоинствено претставување на своите училишта.
Турнирот помина во одлична организација и позитивна атмосфера, оставајќи силен впечаток како уште еден убав спортски настан кој ги зближува младите и го промовира училиштниот спорт во Радовиш.
НАПОМЕНА: Фотографиите и видеото се објавени со согласност од СОУ „Коста Сусинов“ – Радовиш.
