Овој викенд за третолигашите од Истокот беше слободен поради Велигденските празници, викендот заврши, а екипите веќе се подготвуваат за неделните предизвици од 17. коло.
Во рамки на истото ќе се одигра дерби на Југот во Дојран, каде ќе се соочат Дојранско Езеро и Победа од Валандово. Според формата и не е дерби, но ќе се игра за престиж и за уживање на публиката од Дојран и Валандово.
Од недела Победа Валандово ја започнува мисијата наречена борба за враќање на првата позиција. Има три натпревари помалку од лидерот Овче Поле од Свети Николе, кои ако ги добие ќе избие на челната позиција.
Интересен меч ќе има и во Берово каде ќе се соочат Малеш и Карбинци дуел на каде домаќинот го бара третото сезонско славје, а пак гостинот ќе атакува на четврта сезонска победа.
На стадионот „Кукуш“ ќе се одигра мечот меѓу Хоризонт Турново и Брегалница од Делчево, каде домаќинот тим е фаворит против незгодниот гостин.
Во рамки на 17. коло слободни ќе бидат екипите на Ударни од Пирава и Овче ПОле од Свети Николе.
