Тиверија Брера е непоразен лидер во ПЖФЛ, каква ќе биде трката за титулата?

По 13 одиграни кола во Првата женска фудбалска лига и натаму Тиверија Брера е непоразен лидер со 34 бодови преку учинок од 11 победи и едно реми со најефикасен напад кој има постигнато фантастични 65 погодоци, но и најдобра одбрана со само пет примени погодоци.

Струмичкиот прволигаш прикажува доминантен и допадлив фудбал на патот кон титулата во Првата женска фудбалска лига.

На второто место сега се пробива екипата на Каменица Саса по победата над актуелниот шампион Љуботен со 2:1 како што веќе информираше Спортска Мрежа, со тоа што ланскиот вицешампион од Македонска Каменица има 30 бодови, додека пак Љуботен кој сега е трет има 28 бодови.

Овие три екипи се одвојуваат и всушност ќе ја водат трката за титулата, а од втор план сака да се наметне Скопје кој е четврти со 24 бодови.

Веднаш драстичен пресек на табелата. Истатове на 5. место на табелата со 13 бодови и односно пресек со тоа што на шесттото емсто е Топ Гол со осум бодови. Седум бодови има Атлетико, кој е повратник во елитата во женска конкуренција, а пак Ас Јунајтед кој сезонава резултатски е далеку од ланската сезона е на осмото место со шест бодови.

• ЦЕЛА ТАБЕЛА ПРВА ЖЕНСКА ФУДБАЛСКА ЛИГА:

Речица е претпоследна или во баражот за опстанок со три бодови на своето конто, додека пак само формално на дното е откажата Шкендија, која се откажа од натпреварување на почетокот од сезоната.

Ваквата ситуација значи дека директно испаѓање ќе нема, односно само борбата ќе биде да се избегне претпоследното место кое води кон баражот за опстанок во Првата лига.

Во однос на листата на најдобри стрелци во ПЖФЛ на врвот е Ана Димитровска, фудбалерката на Каменица Саса со 20 погодоци.

На второто место е 31-годишна интернационалка од Бразил, Тчеури Харуми Гоја со постигнати 18 погодоци.

На третото место е Улза Максути од екипата на Ас Јунајтед со 14 погодоци, додека пак по 12 погодоци имаат Хава Мустафа од Љуботен и Билјана Панеска од Тиверија Брера.

• • ЛИСТА НА НАЈДОБРИ СТРЕЛЦИ ВО ПРВАТА ЖЕНСКА ФУДБАЛСКА ЛИГА:

Во овие 13 одиграни кола во Првата женска фудбалска лига и само еден постигнат автогол, односно Бесарта Фида, фудбалерката на Скопје си има постигнато автогол.