Викендот во рамки на 8. коло од Општинската фудбалска лига во Гази Баба или Четврта лига, лидерот Долно Коњари однесе најубедлива победа од 1:6 над ланскиот третолигаш Петровец.
Во меч на тотална доминација двојни стрелци за победничкиот тим беа Мерис Качар и Ердоан Абдурахман, а по еден гол постигнаа Алмир Бишевац и Адмир Османовиќ, за домашниот тим единствен стрелец беше Харси Калач.
Поранешниот третолигаш Илинден со 2:0 дојде до сигурна победа над Ускуп. Двата погодоци беа постигнати во првиот дел, а стрелци на истите беа Трајановски и Најдовски.
Mаџари Солидарност дојде до домашен триумф над Миладиновци во меч со десет погодоци за конечни 6:4. Ерхан Абаз постигна хет-трик, а пак Игор Таневски беше двоен стрелец, додека еден гол постигна Иван Јофиновски.
За гостинскиот тим хет-трик постигна Емил Трајчевски, додека пка Стефан Мицановски беше стрелец на еден гол.
Марино и Гоце Делчев ги поделија бодови откако одиграа ефикасно реми од аспект на погодоци (3:3).
Богдановиќ, Фејзула и Марковски беа стрелците за домашниот тим, додека пак во вториот дел за гостинскиот тим Влатко Гоцевски беше двоен стрелец, а еден гол постигна Бошко Смилески, откако резултат на полувреме беше 1:0.
Дељадровци на домашен терен запиша проаз од екипата на Бујковци со резултат од 0:2. Во првиот дел гол даде Станковиќ, а во второто полуреме Аземи постигна гол за конечниот резултат.
Во рамки на осмото коло слободна беше екипата на Инџиково.
- ЦЕЛА ТАБЕЛА ВО ОФЛ ГАЗИ БАБА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ДОЛНО КОЊАРИ | 8 | 6 | 2 | 0 | 20 | 4 | +16 | 20 |
| 2 | ФК БУЈКОВЦИ | 7 | 5 | 1 | 1 | 21 | 4 | +17 | 16 |
| 3 | ФК ГОЦЕ ДЕЛЧЕВ | 8 | 4 | 3 | 1 | 27 | 15 | +12 | 15 |
| 4 | ФК Марино 2024 | 7 | 4 | 1 | 2 | 19 | 7 | +12 | 13 |
| 5 | ФК МАЏАРИ СОЛИДАРНОСТ-ЈУНИОР | 7 | 4 | 1 | 2 | 18 | 12 | +6 | 13 |
| 6 | ФК ИЛИНДЕН | 7 | 3 | 1 | 3 | 12 | 13 | -1 | 10 |
| 7 | ФК МИЛАДИНОВЦИ | 7 | 2 | 2 | 3 | 20 | 25 | -5 | 8 |
| 8 | ФК ИНЏИКОВО | 7 | 2 | 1 | 4 | 11 | 21 | -10 | 7 |
| 9 | ФК ДЕЉАДРОВЦИ 2010 | 7 | 1 | 2 | 4 | 3 | 16 | -13 | 5 |
| 10 | ФК ПЕТРОВЕЦ | 7 | 1 | 1 | 5 | 9 | 23 | -14 | 4 |
| 11 | ФК УСКУП 1911 | 8 | 0 | 1 | 7 | 9 | 29 | -20 | 1 |
| 12 | ФК СКОПСКО ПОЛЕ | 0 | 0 | 0 | 0 | 0 | 0 | 0 | 0 |
