Пливачкиот клуб Три дисциплини од Струга имаше успешен настап на јубилејното 20. издание на „Делфин Куп – Скопје 2026“, кое се одржа на олимпискиот базен со учество на над 700 натпреварувачи од повеќе земји.
Во силна конкуренција, младите пливачи на клубот остварија забележителни резултати, при што речиси сите натпреварувачи успеаја да ги подобрат своите лични времиња – доказ за континуираниот напредок и квалитетна работа.
Најуспешни во редовите на клубот беа:
- Бона Кукунешоска со три бронзени медали (100 м прсно, 50 м прсно и 50 м делфин),
- Јован Кутаноски со две сребра (200 м делфин, 1500 м краул – апсолутна категорија) и едно бронзено одличје (100 м делфин),
- Бисера Кутаноска со две сребрени медали (50 м прсно и 50 м делфин),
- Дон Зиба кој освои злато на 50 м прсно и сребро на 100 м краул,
- Девран Куртис со бронза на 200 м делфин.
Свој придонес со солидни настапи дадоа и останатите членови на тимот: Јаков Хиохи, Матеј Лазороски, Дарија Магдис, Ѓорѓи Цветаноски, Мона Кукунешоска, Горјан Шумуликоски, Петар Шикоски, Дамјан Цветаноски, Софија Кутаноска, Стефанија Кутаноска, Нарт Домазети, Керем Куртис и Игнатиј Милески.
Настапот на Три дисциплини уште еднаш покажа дека клубот гради квалитетни пливачи и успешно се носи со силна меѓународна конкуренција, најавувајќи уште поголеми успеси во иднина.
