Стартуваат пријавите за новото трето издание од Меѓународниот фудбалски турнир „Некст Левел“, кој се одржува во Охрид, на терените на СРЦ „Билјанини Извори“.
По две успешни изданија на овој голем фудбалски спектакл во Охрид, следува трето издание кое ќе се одржи во период од 13. јуни до 16. јуни 2025 година.
Според пропозициите на „Некст Левел 2025“ може да пријавите екипа во генерации 2012/2013 каде се игра во формат 8+1 на терен 55х40 метри, во генерации 2014/2015 каде се игра во формат 7+1 на терен 45х30 метри и во генерации 2016/2017 во формат 6+1 на на терен со димензии 45х25 метри.
Ќе се игра едно полувреме од 30 минути, со тоа што на 15 минути ќе има тајм-аут.
„Некст Левел 2025“ ќе прима екипи покрај од Македонија и од Косово, Хрватска, Албанија, Бугарија, Србија и Црна Гора.
Спортска Мрежа ќе биде медиумски покровител на овој спортски настан, а во следниот прериод преку емисии и разговори ќе го најавуваме овој голем фудбалски настан кој ќе се одржува трета година по ред, дополнително ќе најавуваме и други изненадувања поврзани со „Некст Левел 2025“.
Екипа може да пријавите на +389 72 264 509 – Марино, како и на marino.markoski@gmail.com
Ве очекуваме и се гледаме на СРЦ „Билјанини Извори“ во Охрид.
Спортска Мрежа и на првите две изданија во 2023 и 2024 година беше медиумски покровител на овој спортски настан, а оваа година како медиумски покровител воведуваме многу новитети, наскоро повеќе детали.
