Селекторот на женската ракометна репрезентација на Македонија, Кристијан Грчевски, го објави поширокиот список на ракометарки на кои ќе смета во пресрет на клучните натпревари од квалификациите за Европското првенство 2026.
На списокот се најдоа 35 имиња, без поголеми изненадувања во однос на претходните собири, што значи дека стручниот штаб продолжува со проверени сили во обидот да се обезбеди позитивен резултат во завршницата од циклусот.
Македонија по четири одиграни кола има скор од една победа и три порази во групата 3, па претстојните натпревари ќе имаат големо значење за конечниот пласман.
Собирот е закажан за 6 април, првиот предизвик на домашен терен ќе биде против Германија на 8 април во СЦ „Борис Трајковски“, а четири дена подоцна и гостувањето кај селекцијата на Словенија.
