Екипата на Младост службено го доби натпреварот со Кичево од 19. коло на Првата ракометна лига, откако истиот беше регистриран со службен резултат од 10:0, а тоа значи и службени бодови за непоразениот лидер од Богданци.
Натпреварот требаше да се игра во Охрид, но поради технички причини истиот не беше одигра, а домаќин на истиот беше Кичево.
Младост веќе фокусот го става на дербито кое следува – дерби кое може да ја реши сезоната, дерби кое ќе одлучува кој да биде шампион и директно да патува во Супер лигата, пресметка на Младост со Мулти Есенс во Автокоманда.
Клубот од Богданци очекува силна поддршка во Скопје од поддржувачи, симпатизери и фанови од Богданци и околните градови.
