Екипата на Проект од валандовско Јосифово е нов шампион во Првата футсал лига на Македонија, откако вечерва со 2:6 славеше над Кеги Моби во рамки на 14. коло.
Тимот од Јосифово на четири кола до крајот и официјално е нов шампионат и по неколку години се враќа шампионската титула во витрините на Проект.
Повеќе од заслужено е овој голем успех – тимот има 14 од 14 и сега фокусот нормално останува до крај да се добијат сите натпревари за максимален учинок, а фокусот ќе биде и на Купот на Македонија, бидејќи Проект има амбиции за освојување на двојната круна.
Вечерва радовишанецот Горан Стојанов постигна четири гола во убедливата победа над велешани, а по еден гол постигнаа Наум Блажевски и Бојан Јанев. За Кеги Моби во првиот дел погоди Димче Андов, а во вториот дел Александар Михајлов.
Проект ќе биде наш претставник во квалификациите за Лигата на шампиони.
