Есенскиот шампион во Трета лига – Југозапад пролетниот дел го отвори со катастрофален пораз од 4:0 губејќи на гостувањето во Дебар од Кораб.
Во дуел на два поранешни второлигаш домаќинот беше убедлив во рамки на 10. коло со кое беше отворен пролетната полусезона.
Амар Иса го отвори мечот по две минута игра, а во 38. минута погоди за двојна предност, а пак Фатјон Леши во 40. минута погоди за три гола предност на полувреме.
Во вториот дел Ујкан Јани го постави конечниот резултат откако погоди во 66. минута.
Трите бодови останаа во Мешеишта откако Славеј со 3:1 славеше над Кравари во дерби на две екипи кои претендираат за второлигашкиот бараж.
Гостинот го отвори резултатот во 29. минута преку Темур Емини за водство на Кравари од 0:1 на полувреме.
Во вториот дел автогол си постигна Горан Јакопетревски за 1:1, а потоа со двата гола на Антонио Ќитаноски домаќинот стигна до победа од 3:1.
Света Троица го слави Никола Угриноски, откако новото засилување со два гола ги обезбеди трите бодови за Охриѓани, кои со 1:2 славеше над Напредок во Ношпал.
За домашниот тим единствен стрелец на денешниот меч беше Владе Јанакиевски.
Трите бодови останаа во Струга откако Влазними со 2:1 славеше над Демир Хисар, со што сега Влазними е осамен на врвот од табелата.
Самед Кадриоски го отвори резултатот во 11. минута за 1:0 на полувреме. Во вториот дел Влазними ја удвои предноста преку гол на Денис Шадов, а потоа гостинот само го ублажи поразот на 2:1 преку Илчо Котевски.
Во рамки на првото пролетно коло слободна беше екипата на Могила.
На врвот е Влазними со 22 бодови, два помалку има Славеј од Мешеишта кој е втор, а Караорман сега е трет со 19 бодови.
