Превалец со голот на Ристо Станковски го доби мечот со Младост во Кривогаштани откако славеше со 0:1 во рамки на 17. коло на Трета лига – Југ.
Дебакл на Росоман кој загуби од Башкими од Јаболчиште со 0:4 – Лавдрим Лазами го отвори мечот во 3. минута, а потоа хет-трик постигна Емре Исмаил со три гола о вториот дел.
Влазними Јуниор и Ултрас ги поделија бодовите откако одиграа 1:1, за гостинот погоди Стојески во 78. минута, а за домаќинот Велиоски во 85. минута.
Ланскиот второлигаш Борец со 4:0 на домашен терен го доби Млекар – двоен стрелец беше Стефан Филиповски, а по еден гол постигнаа Мирчевски и Миловановиќ.
Венец ја доби голеадата со Тополка во гости, откако тимот од Долни Дисан беше подобар со 3:4.
Драскачев, Гаштев и Дурмишов беа стрелци за домашниот тим, за гостинот Марјанчо Илов беше двоен стрелец, а по еднаш погодија Шишков и Неделков.
Борец е на врвот од табелата и продолжува да го трасира патот кон второлигашкиот бараж.
