Трета лига – Исток има нов лидер, откако Овче Поле со минимални 0:1 славеше над Брегалница во Делчево и го презеде челното место на табелата.
Дарко Нацев беше единствениот стрелец во Делчево кој го реши мечот, со што трите бодови заминаа во Свети Николе.
Тимот на Овче Поле е лидер на табелата со два меча повеќе во однос на непоразената Победа од Валандово, која во рамки на 14. коло беше слободна.
Тиверија одамна немала ваква висока победа откако денес на домашен терен во Струмица со 10:2 славеше над Дојранско Езеро. Мартин Шутевски постигна четири голови, а пак двојни стрелци беа Андон Шилинов и Никола Трајков.
За Тиверија по еден гол постигнаа Ристе Каралијски и Јани Јанков.
За гостинот од Дојран стрелци беа Адам Стојанов и Горѓе Киров, а стрелаа во вториот дел од средбата во Струмица, а погодоци беа од белата точка.
Трите бодови останаа во Берово, откако Бојан Мичковски го реши мечот со Хоризонт Турново за радост на Малеш.
Мичковски стрелаше во 51. минута од средбата која се играше на Градскиот стадион во Берово.
Овче Поле е на врвот со 31 бод, Победа Валандово со два меча помалку е втора со 29 бодови, Ударник е трет со 26 бодови, Турново е четврти со 22 бодови.
Наскоро нов извештај за комплетен преглед на табелата.
