Во меч со 81 гола екипата на Партизан славеше на гостувањето кај Шампион со резултат од 35:46, меч со кој се отвори 19. коло на Првата ракометна лига.
„Бундеслигашки“ ракомет со голем број на постигнати погодоци, а гостинот од Гевгелија уште од самиот старт изгради голема разлика што беше недостижно за домаќинот да приреди било какво изненадување.
На полувреме резултатот беше 10:25, а во вториот дел како на тренинг рутински беше потврден високиот триумф за Партизан.
Двајцата ракометари имаа свое гол-шоу: За домашниот тим Давид Јовчевски постигна 15 погодоци, но не беа доволни ниту за ублажување на поразот, а на спротивната страна Илија Пејковски „испука“ 13 погодоци.
Партизан стигна до седмиот триумф и со 13 бодови е на десеттото место, а пак Шампион впиша шеснаесетти сезонски триумф и се наоѓа на претпоследното место со два бодови.
