Селекторот на младата репрезентација на Македонија до 19 години, Димитар Капинковски, го објави списокот на фудбалери кои ќе настапат на квалификацискиот турнир во Холандија, што ќе се одржи од 23 до 31 март 2026 година.
Нашата селекција турнирот ќе го започне со дуел против Фарски Острови, по што следува натпревар против домаќинот Холандија. Во последното коло, Македонија ќе се соочи со селекцијата на Молдавија.
Капинковски за овие предизвици повика комбиниран состав од домашни и интернационални фудбалери, со што јасно се гледа намерата да се создаде конкурентен тим кој ќе се бори за позитивен резултат.
На списокот се наоѓаат:
Александар Трајков, Бојан Велков, Габриел Талески, Иван Танчев и Андреј Димовски (Брера), Давид Ангелевски и Јован Мрмачоски (Пелистер), Стефан Секирски (Новаци), Кристијан Маркоски (Келн), Албан Рочи (Струга), Мухамед Мустафи (Сент Гален), Стефан Бранковски (Марибор), Антони Трајковски и Иво Марковски (Вардар), Дамјан Буцевски и Дарко Јовчев (Македонија Ѓ.П.), Дитмир Хоџа и Лорент Жаку (Работнички), Фљори Иљази (Шкендија), Матео Ќесик (Јединство УБ) и Славчо Мисајловски (Тетекс).
Очекувањата од оваа генерација се високи, а турнирот во Холандија ќе биде вистински тест за нивниот квалитет и потенцијал на меѓународна сцена.
