Второлигашот Вардар Неготино кој „виси на конец“ да испадне директно во Трета лига за следната сезона закажа Годишно собрание за среда (18 март) со почеток од 18:30 часот во салата на општина Неготино.
Како што е истакнато во соопштението на второлигашот од Неготино дневниот ред е составен од четири точки, отчет за сработеното на новата управа, а поканета е и старата управа.
Од клубот посочуваат дека е поканета навивачката група „Винари“, спортски работници, поранешни фудбалери, како и директори и управители на фирми, активни фудбалер, но и сите граѓани на општина Неготино.
„ ГФК Вардар Неготино за среда (18 март 2026 година) со почеток од 18:30 часот во салата на општина Неготино, ќе организира собир (Годишно собрание).
Дневен ред:
1. Отчет за сработеното на Новата Управа за период од 07/08 2025 година до 12-2025 година.
2. Запознавање на јавноста со затекнатата состојба во ГФК Вардар како резултат од работата на претходната управа.
3. Заедничко планирање и остварување на цели за во иднина.
4. Разно.
Се замолуваат сите граѓани на општина Неготино, спортски работници, поранешни фудбалери, навивачката група – Винари Неготино (12 играч), директори и управители на фирми, претходна управа на ГФК Вардар (која е уредно – поединечно писмено) поканета и сите активни фудбалери да присуствуваат за доброто на Вардар Неготино“, се вели во соопштението од неготинскиот второлигаш.
Вардар Неготино по 20 одиграни кола е на 12. место со 15 бодови, од бараж зоната односно од 11. место каде што е Каменица Саса има девет бода негатива, бидејќи „рударите“ имаат 24 бодови.
