Младиот борец Мирко Василев од радовишкиот клуб Мај Тај Адреналин оствари значајна победа на Светскиот куп во Италија, кој се одржува под организација на WAKO федерацијата.
Василев настапува во дисциплината К1 во категоријата до 71 килограм и во својот настап беше убедлив против противникот од Австрија, Перо Челебиќ. Радовишанецот славеше со чиста победа од 3-0 поени, обезбедувајќи пласман во полуфиналето на ова престижно натпреварување.
Мирко Василев важи за еден од најперспективните млади борци од Радовиш и член на клубот Мај Тај Адреналин, каде со години посветено работи и постигнува значајни резултати на домашната и меѓународната сцена.
Денеска радовишкиот борец го очекува полуфиналниот дуел против претставник од Германија, во борба за место во големото финале на Светскиот куп.
Настапот на Василев претставува уште една потврда за квалитетната работа во радовишкиот клуб Мај Тај Адреналин и за талентот на младите борци кои доаѓаат од овој град.
