Некогашниот прволигаш Борец од Велес промовираше три нови засилувања, со кои ќе се обиде најпрво да го потврди првото место во Трета лига – Југ, а потоа преку бараж да се врати во Втората македонска фудбалска лига.
Велешани минатата сезона експресно испаднаа од Втора лига, а сега се обидуваат одново да се вратат во второлигашкото друштво.
Нови имиња во третолигашот од Велес се повратниците Стефан Филиповски и Трајче Костадинов, а ново име е и Никола Димов.
Филиповски има 20 години, доаѓа од редовите на второлигашот Детонит Плачковица од Радовиш, тој е повратник во Борец, а во минатото беше дел и од Кул Здравје.
Костадинов кој и во минатото беше дел од Борец има 17 години, доаѓа од младинскиот погон на Тиквеш, потекнува од школата на Борец, а има настапува во младинските категории и на ФК Кул Здравје.
Димов кој има 21 година во Борец пристигна од Росоман, а тој веќе утре ќе го има дебито против поранешниот клуб. Инаку, низ кариерата овој млад фудбалер настапуваше и за Марена и младинските категории на Тиквеш.
Борец веќе утре на домашен терен ќе игра против Росоман, тоа ќе биде важен дерби дуел на кој само три бодови е цел.
