Започнува пролетната полусезона во Трета лига – Југ со натпреварите од 14. коло кои ќе се одиграа веќе утре.
Во рамки на првото пролетно коло лидерот Превалец ќе гостува кај Млекар, Дреново на домашен терен ќе игра со Пити Гули од Крушево, додека пак во Прилеп се игра мечот меѓу Ултрас и Младост од Кривогаштани.
Во Велес ќе се одигра дуелот меѓу некогашниот прволигаш Борец и поранешниот второлигаш Росоман, трите бодови од овој меч се капитални за велешани во битката за враќање во Втора лига. Екипата на Тополка на домашен терен ќе игра со Влазними, а пак Венец во Долни Дисан ќе го пречека тимот на Бучин.
Во рамки на првото пролетно коло слободна ќе биде екипата на Башкими од Јаболчиште.
Борба за првото место кое води кон баражот за влез во Втора лига ќе ја водат велешките екипи Превалец и Борец.
