Селекторот на футсал репрезентацијата на Македонија, Газменд Хисејини, го објави списокот на играчи кои се во конкуренција за претстојните два контролни натпревари против селекцијата на Австрија.
Дуелите ќе се одиграат во Гевгелија, а со овие средби националниот тим официјално ги започнува подготовките за настап во квалификациите за пласман на Светското првенство. Хисејини на располагање ќе има 16 фудбалери.
Список на повикани играчи:
- Антонио Петровски – КМФ Проект
2.Иван Стојановски – КМФ Кеги Моби
3.Бојан Јанев – КМФ Проект
4.Таулан Исмаили – КМФ Балкан
5.Марио Благојевски – КМФ Проект
6. Никола Анчевски – КМФ Проект
7. Јасир Зекири – КМФ Форца
8. Игор Леовски – Луценец (Словачка)
9. Тони Киревски – Олмиссум (Хрватска)
10. Јакуп Рамадани – Дреница (Косово)
11. Берат Рамадани
12. Иван Крстевски – КМФ Форца
13. Садат Зибери – Atletico Conegliano C5 (Италија)
14. Самир Вејсели – Atletico Conegliano C5 (Италија)
15. Ѓорги Коцевски – КМФ Проект
16. Ангел Гаштев – КМФ Кеги Моби
Контролните натпревари против Австрија ќе се одиграат на 10 и 11 февруари во салата на СЦ „26 Април“ во Гевгелија, со почеток од 18 часот.
Македонија во квалификациите за Светското првенство ќе настапува во Ц-групата, заедно со селекциите на Литванија, Турција и Бугарија. Домаќин на квалификацискиот турнир, кој ќе се одржи во периодот од 6 до 16 април, ќе биде Литванија, а пласман во главната рунда ќе обезбедат првопласираните две репрезентации од групата.
