Прволигашот Брера Струмица забележа победа од 4:2 (2:1) на пријателскиот натпревар против второлигашот Детонит Плачковица, одигран денеска како “генералка” за струмичани.
Мичковски за Детонит Плачковица погоди во првиот дел, а Александар Смилков во вториот дел.
Струмичани со овој натпревар ги заокружија подготовките за пролетниот дел од шампионатот, кој ќе го отворат на домашен терен против екипата на Македонија Ѓорче Петров.
Победата против Детонит претставува успешна генералка и дополнителна самодоверба за прволигашот пред прволигашките предизвици.
Од друга страна, Детонит Плачковица продолжува со подготовките за пролетниот дел од Втората македонска фудбалска лига.
Резултатот е во втор план, бидејќи тренерите Мартин Алаѓозовски и Горан Здравков комбинираа со цел појасна слика околу формата на фудбалерите.
Второлигашот од Радовиш следен викенд ќе има “генералка” со Кожуф во Гевгелија.
Пролетниот дел ВМФЛ стартува на 21 февруари, а радовишани играат дома против “фенерџијата” Големо Коњари.
