Македонските арбитри Доне Ристовски и Марјан Младеновски добија огромна чест и доверба да го судат дербито од групата Б на Европското футсал првенство 2026, во кое во недела од 13:00 часот ќе се соочат селекциите на Ерменија и Чешка.
Станува збор за клучен натпревар во групата, бидејќи победникот ќе направи голем чекор кон пласман во четвртфиналето. Во првото коло Ерменија ја совлада Украина со 2:1, додека Чешка одигра спектакуларен меч против Литванија кој заврши без победник, 3:3, со дури шест погодоци и поделба на бодовите.
Ристовски и Младеновски ќе бидат главни судии на овој дуел, додека судиската екипа ќе биде комплетирана со Алехандро Мартинез Флорес од Шпанија како трет судија, Хуан Хосе Кордеро Гаљардо од Шпанија како четврти судија.
Фактот што токму Ристовски и Младеновски се единствените судии од Македонија кои делат правда на ова Европско првенство е силна потврда за квалитетот на македонското судење. Воедно, ова е јасен сигнал за големата доверба што ја уживаат од УЕФА, но и резултат на континуираната поддршка од ФФМ.
Македонските судии ќе бидат во центарот на вниманието на едно од највозбудливите соочувања во групната фаза, потврда за одличниот квалитет.
