Второлигашот Беласица зимските подготовки за пролетниот дел ќе ги започне во среда. Шефот на стручниот штаб, Панче Стојанов во среда ќе ја има првата прозивка, првиот собир, состанок со играчите и почеток на подготовките со првиот тренинг.
Подготовките ќе се реализираат во Струмица, а ќе бидат одиграни пет до шест пријателски натпревари преку кои ќе се проверува формата.
“Подготовките ќе се одвиваат во Струмица. Планирано е одигрување на пет до шест подготвителни натпревари, деновите кои претстојат ќе бидат објавени и противниците за сите припремни натпревари”, рече стратегот Панче Стојанов.
Како што претходно ексклузивно објави Спортска Мрежа, од Беласица замина најдобриот стрелец Бојан Спиркоски, како и Марио Наумоски, Стефан Секирски и Максим Цониќ.
Беласица презимува на четвртото место со 31 бод, а пролетниот дел го отвара на домашен терен против Охрид.
