Градоначалникот на Општина Струга, Менди Ќура, оствари средба со тренерите и кошаркарите од кошаркарскиот клуб „Црн Дрим“, на која се разговараше за актуелната состојба во клубот, спортските амбиции и предизвиците со кои секојдневно се соочуваат младите спортисти.
Средбата помина во позитивна и конструктивна атмосфера, при што беше истакната важноста на спортот како клучен фактор за здрав начин на живот, развој на тимскиот дух и градење на лични вредности кај младите.
Градоначалникот упати поддршка и охрабрување до кошаркарите и стручниот штаб, потенцирајќи ја улогата на локалната самоуправа во создавање подобри услови за тренинг и натпреварување.
Во рамки на разговорите беше нагласена и определбата на Општина Струга континуирано да стои зад спортските колективи, со посебен акцент на младинските категории и развојот на спортската култура во градот.
„Општина Струга ќе продолжи да ги поддржува локалните спортски колективи, со јасна визија за поттикнување на младинскиот спорт и зајакнување на спортската култура во градот“, истакна општината по средбата со кошаркарскиот клуб Црн Дрим.
