Вечерва се одигра натпреварот за трето место и големото финале кај јуниорите од генерација 2010/2011 на турнирот во мал фудбал „Стојаково 2025“.
Во малото финале се соочија Фавела Бојс против Mild Home Store, каде во регуларниот дел беше 0:0, а во пенал серијата со 2:1 славеше тимот на Фавела Бојс и со тоа го освои третото место.
Во големото финале Бригада 12 се соочи со Маркет Го-Да Чонов Микро, а тимот на Брегада 12 со резултат од убедливи 4:1 го доби мечот и го подигна шампионскиот пехар.
Публиката ги поздрави младите фудбалски таленти, кои на крајот сите си подадоа рака во знак на спортски фер-плеј.
Спортска Мрежа медиумски го поддржува по првпат овој турнир во мал фудбал кој се игра во Стојаково.
