Есенскиот дел кај дел од третолигашите беше навистина турболентен, откако дел од нив се соочија со финансиски проблеми, дел и со проблем да соберат доволно играчи.
Во петте региони на Третата македонска фудбалска лига настапуваа и поранешни прволигаш, второлигаши, настапуваа екипи кои играле во Европа, поранешни вицешампиони, но и клубови кои и по првпат се појавија и во третолигашкото друштво. Екс прволигашоте Хоризонт Турново, Еуромилк ГЛ, кичевски Напредок се само дел од поранешните прволигаши…
Пред почетокот на сезоната во Трета лига – Југ екипата на Слога од Лажани се откажа и не ј започна воопшто сезоната иако тимот беше во ждребот за распоредот. Тоа предизвика да има во секое коло во Трета лига – Југ една екипа слободна, а со натпреварување продолжија 13 екипи.
Но, и претходната сезона 2024/2025 овој регион го имаше истиот проблем, тогаш со екипата на Марена.
Најмал регион е Трета лига – Југозапад кој брои само десет екипи, по влезот на Преспа во Втора лига и откажувањето на Евротип Онлајн со натпреварување откако спонзорот го презеде второлигашот Новаци во овој регион се приклучија неколку новајлии.
Во Трета лига – Исток наместо 12 екипи како што требаше една екипа воопшто и не се пријави. Станува збор за Вардарски од Богданци, тим кој лани настапуваше во Втора лига и испадна експресно немаше сили да продолжи со натпреварување во Трета лига – Исток, па така во овој регион се натпреваруваат 11 екипи и во секое коло има по една слободна екипа.
Во Трета лига – Запад по неколку кола се откажа тимот на Зајаз, па така и во овој регион кој започна со 12 екипи продолжи со екипа помалку и во секое коло има по еден тим кој е слободен.
Единствено во Трета лига – Север има 14 екипи каде е навистина силна конкуренцијата и за првото место и баражот за Втора лига, но и кога е во прашање опстанокот во Трета лига – Север.
Не е исклучена можноста и за неколку други екипи да се откажа со понатамошно натпреварување, најчест проблем се финансиите, но и играчкиот кадар. Во изминатите сезони „традиционално“ екипи кои се на дното знаеле да се „распаднат“ и да се откажат од понатамошно натпреварување.
Ќе видиме што ќе донесе пролетниот дел, дали и колку екипи ќе продолжат со натпреварување.
Во Трета лига – Исток на дното се Дојранско Езеро и Светлост од Зрновци со по четири бодови како и Малеш со пет бодови, со тоа што тимот од Зрновци е единствениот без триумф.
Во Трета лига – Запад лоша есен имаше Љуботен кој заврши на дното со пет бодови, а пак на Северот катастрофална есен имаше екс второлигашот Кадино со пет бодови на дното.
Велешта забележа една победа во Трета лига – Југозапад, но откако еден меч не одигра три бодови беа одземени од контото на тимот, па така сега Велешта е на дното без бодови. Во Трета лига – Југ катастрофална есен имаше Дреново кој се наоѓа на дното со само еден бод.
