Денес во 11:30 часот треба да биде промовиран новиот селектор на македонската фудбалска репрезентација Гоце Седлоски, како наследник на Благоја Милевски.
Пред Седлоски ќе бидат бараж натпреварите за историски пласман на Светското првенство 2026 – првиот меч против Данска, а ако го добиеме одиме на мегдан против подобриот од дуелот меѓу Чешка и Ирска.
Новиот селектор Гоце Седлоски веќе работи на формирањето на новиот стручен штаб, а како што веќе вчера објави Спортска Мрежа прв асистент на Седлоски ќе биде актуелниот шеф на стручниот штаб на Тиквеш, Борче Христов, а пак втор асистент ќе биде селекторот на младата репрезентација до 19 години, Ерхан Селими.
Тренер на голманите ќе биде Гого Јовчев.
Денес ќе биде промовиран Седлоски, а со него и стручниот штаб кој ќе работи заедно со новиот селектор.
