Трката за титулата во Првата футсал лига можеби пополека се решава, но трката за најдобар стрелец ќе се „разгорува“ во пролетниот дел.
По затварањето на есенскиот дел најдобар стрелец во футсал елитата на Македонија е Ибрахим Алији, кој за дебитантот Балкан постигна 24 погодоци.
За него на листата на најдобри стрелци е Марио Благојевски, кој пак за есенскиот шампион Проект постигна 20 погодоци.
На делба на третото место се Иса Дурмишов од Мал Ајакс и Мартин Никовиќ од Клими со по 13 гола, а по 11 гола постигнаа Кристијан Ивановски за Осогово и Зоран Левески за Форца.
По десет гола есенва постигнаа тројца фудбалери на Проект, тоа се Наум Блажевски, Ѓорги Коцевски и Горан Стојанов, Јесус Алејандро Ривас Миранда за Форца како и Владимир Трендафиловиќ за Бутел, а по девет гола имаат Јасир Зекири од Форца и Омер Османи од Јувентус Серава.
