Вечерва беше одиграни елиминациската фаза од футсал Купот на Македонија, а на сите пет натпревари беа постигнати голем број на погодоци.
Кратово со 5:1 го декласираше Конзули од Битола и со тоа се чекираше во следната фаза од Купот на Македонија. Во салата во Пробиштип беа постигнати шест погодоци.
Ѓорѓи Ивановски беше двоен стрелец за домашниот тим, а по еден гол постигнаа Валентино Јовановски, Кевин Јакимов и Никола Стојчевски, а за гостинот погоди Драганчо Мицески.
Висока победа за следна фаза од Купот обезбеди и тимот на Фудбал Старс кој со 9:3 славеше над Партизан Југ од Брвеница. Драган Трајчов и Христијан Крстов беа двојни стрелци, а по еден гол постигнаа Славчо Јованов, Давид Тренчев, Јовица Ефтимов, Борчо Петров и Драган Гаврилов. За гостинскиот тим искусниот Даниел Радески беше двоен стрелец, а во вториот дел погоди Марко Спироски.
Неизвесен беше мечот меѓу СЕЕ Университи и ССК Скопје каде скопскиот тим со 4:5 го елиминираше тетовскиот тим. Сите четири погодоци за СЕЕ Университи ги постигна Гезим Азизи, а пак за ССК Скопје стрелц беа Реџеп Бислим, Несим Сулејман, Борјан Цветановски и Исени Таркан во првиот дел, а во вториот дел погоди Снатијаго Ариф.
Убедлива победа за Каршиака која со 1:8 го доби Карадаку во меч каде се беше решено од сам почеток, за домаќинот Нуриамете Саити беше стрелец, за гостинот Бурим Касами погоди двапати, а по еднаш стрелаа Фуркан Ќани, Џезаир Рамадани и Садам Куртиши во првиот дел, а во вториот дел Енис Ибраими, Енис Мемеди и Сеад Јакупи.
Овче Поле немаше сили и на домашен терен загуби убедливи со 1:6 од Црна Река во дуел на два поранешни шампиони. Само Икица Јованов успеа да погоди за домашниот тим, за гостинот од Кавадарци Ѓорѓи Стрезовски погоди двапати, а по еднаш погодија Горан Соколов, Димитар Чоков, Никола Димов и Тони Гацев.
