Натпреварот од осмото коло на Првата футсал лига меѓу Клими и Шкупи не се одигра, откако гостинската екипа не допатува во Кавадарци.
Овој меч беше закажен да се одигра на 13 декември (сабота) во СЦ „Јасмин“ во Кавадарци со почеток од 20 часот, но тимот на Шкупи не се појави во салата, а ниту пак го најави дека нема да присуствува на мечот.
„По чекање од 30 минута гостинската екипа КМФ Шкупи не се појави во салата Јасмин, ниту притоа се најави дека воопшто нема да присуствува на мечот“, се вели во записникот од натпреварот.
Ова значи дека тимот на Клими натпреварот ќе го добие со службен резултат од 3:0, а дополнително Шкупи ризикува санкции од Фудбалската федерација на Македонија со одземање на бодови, за што ќе треба да причекаме официјално ФФМ да донесе одлука.
