Ракометарите на Вардар, утре го играат последниот натпревар од групната фаза на Лига Европа, против Тулуз во Скопје. Иако мечот нема резултатско значење за пласманот, сепак домашните играчи се мотивирани да покажат одлична игра пред своите навивачи и да го завршат европскиот настап во групната фаза, на импресивен начин.
Левото крило на Вардарци, Марио Стојановски, нагласува дека екипата е добро подготвена и дека победата е остварлив резултат.
„Добро го имаме анализирано Тулуз, треба само да го спроведеме на теренот тоа што ни го кажа стручниот штаб на чело со Иван Чупиќ и одиме на победа“, изјави Стојановски.
Мечот меѓу Вардар и Тулуз се игра утре (02.12) од 18:45 часот во СЦ „Јане Сандански“. Иако групната фаза е завршена за Тулуз, Вардар има можност да ја заврши со позитивен резултат пред својата публика.
