Екипата на Истатов есенската полусезона ја заврши во горниот дел од табелата односно на четвртото место, но со бод помалку од третопласираната Тиверија Брера.
Девојките на искусниот стратег Кирил Изов имаат одлична есен зад себе со осум победи, четири порази и две ремија – 26 бодови и четврто место.
Тимот има позитивна гол разлика од 36 постигнати погодоци, што ја истакнува ефикасноста на нападот, а беа примени 17 погодоци за +19 гол разлика.
Екипата веќе е на заслужен одмор, од клубот истакнуваат дека имале одлична есенска полусезона и дека се задоволни од резултатите, после Новогодишните и Божиќните празници ќе се „запалат моторите“ за подготовки за пролетниот дел.
Истатов беше првиот тим кој успеа да ја запре победничката серија на актуелниот шампион, откако на домашниот терен во Пржино одигра 2:2, а токму тоа реми многу „скапо“ го плати Љуботен, кој во последното есенско коло го загуби дербито со Скопје препуштајќи го врвот од табелата – така Скопје стана есенски шампион. Теренот во Пржино се покажа „кобен“ за фаворитите кои губеа бодови.
Екипата на Истатов успеа во 72 часа да добие две екипи кои минатата сезона беа конкуренти за титулата. На 16 ноеври на домашен терен со 1:0 славеше над Тиверија Брера, а на 19 ноември го доби тимот на Каменица Саса во гости со 1:2.
