Голманот Антонио Столевски од Прилеп е слободен, својата кариера 23-годишникот ќе ја продолжи во нова средина.
Тој последно го бранеше голот на второлигашот Слога од Виница, но вели дека сака амбиција, конкуренција и проекти што носат резултати, па ќе менува средина.
„Да, се разделивме некоректно и сега сум слободен играч. Искрено – подготвен сум за поголем предизвик и повисоко ниво. Во Виница дадов сѐ од себе и мислам дека оставив силен впечаток. Периодот беше корисен, но чувствував дека е време да направам чекор напред. Сакам амбиција, конкуренција и проекти што носат резултат“, вели Столевски во изјава за Спортска Мрежа.
Столевски има разговори за продолжува на кариерата во нова средина, вели дека е во долична форма и дека е подготвен веднаш за нов предизвик во кариерата.
„Формата ми е на одлично ниво – тренирам сериозно и сум подготвен веднаш да влезам во ритам. Имам конкретни разговори со неколку клубови и изборот ќе го направам многу скоро. Напролет ме гледате на терен, уште посилен, уште пофокусиран и со јасна цел – да направам разлика каде и да настапувам“, ни изјави Столевски.
Низ својата кариера Столевски бранеше за Победа, Брегалница, Велешта, Караорман, Кожуф и последно Слога Виница. Важи за одличен чувар на мрежата, а тој беше од генерацијата млади играчи кои ја спасија Победа од испаѓање кога го добија баражот со Куманово.
