Утре на „фудбалската тврдина“ Пржино ќе се одигра големото дерби од 14. коло на Првата женска фудбалска лига – директна дерби пресметка на второпласираниот Скопје и лидерот и шампион Љуботен, дерби кое ќе одлучи кој да биде есенски шампион.
Правдата ќе ја дели Вјолца Изеири од Гостивар, е помошници ќе бидат Елена Соклевска Илиевски и Тамара Цветановиќ од Скопје.
Контролор на натпреварот ќе биде Петре Илиоски од Прилеп, а мечот ќе стартува во 14 часот.
Љуботен е на врвот од табелата со 37 бодови, а само бод помалку има Скопје односно 36 бодови. Реми или победа за Љуботен бранителот на титулата ќе биде есенски шампион, а пак победа за Скопје ќе значи дека тимот ќе биде есенски шампион, додека пак бранителот на титулата ќе биде втор за време на зимската пауза.
