Македонската репрезентација до 19 години загуби минимално (1:0) од Белгија во првиот натпревар од квалификацискиот турнир за пласман во Елитната фаза на Европското првенство, одигран во Порто.
Избраниците на селекторот Ерхан Селими одиграа борбен и дисциплиниран натпревар против силниот противник, но недостигаше малку среќа за подобар резултат. Белгија до три бода стигна во 72. минута преку Мисуаи.
Македонија беше блиску до израмнување во самиот финиш — Латифи убаво продре и му асистираше на Дамјаниски, кој не успеа да реализира, а потоа по корнер Мурѓески ја погоди стативата.
Натпреварот се одигра под постојан дожд, а нашите младинци покажаа голема борбеност и карактер. Македонија следниот меч ќе го одигра против Португалија на 15 ноември, а потоа со Естонија на 18 ноември.
Македонија до 19 година: 1. Давид Илиоски, 2. Златко Радески (84ʼ Али), 4. Емир Шаботиќ, 5 Лука Атанасовски, 6. Давид Стојановски, 7. Адмир Љатифи, 10. Марко Киш (72ʼ Мехмет), 11. Стефан Бранковски (72’ Дамјановски), 14. Абдулах Алсани, 16. Игор Ристов (52ʼ Мурчески), 17. Каменчо Андоновски.
