Женската сениорска репрезентација на Македонија со минимална, но голема победа ја започна новата квалификациска кампања за Евробаскет 2027, совладувајќи ја Данска во СРЦ „Кале“.
Првото полувреме мина во изедначена игра. Македонија поведе со (18:13), но Данска возврати со серија од 8:0 и ја доби првата четвртина (21:18). Гостинките стигнаа и до девет поени предност (29:20), но потоа се разиграа Хемпе и Селцова, кои заедно постигнаа дури 28 поени во првото полувреме, па Македонија поведе со (39:37).
Во продолжението се водеше голема борба, со постојани промени на резултатот. Македонија имаше највисока предност од шест поени (76:70) три минути пред крајот, но Данска се доближи на (76:77).
Во драматичната завршница, при резултат (79:78), Данска имаше последен напад, но македонската одбрана издржа и ја задржа предноста до крајот.
Нашите кошаркарки ја запишаа првата победа во квалификациите и со одличен старт го отворија патот кон Евробаскетот 2027.
За три во салата на СРЦ „Кале“ во Скопје, нашата женска сениорска репрезентација ќе го одигра и вториот меч од „Ф“ квалификациската група.
Противник ќе ни биде репрезентацијата на Грција, во натпревар кој ќе стартува од 18:00 часот.
