По враќањето од повреда, голманот Саид Хаидарирад е целосно подготвен за дуелот против ПИК Сегед.
Во пресрет на мечот, тој истакна дека медицинскиот тим завршил одлична работа и дека е подготвен да ја даде својата поддршка за успехот на тимот.
„Се вратив бргу, најмногу благодарение на медицинскиот тим, кој заврши одлична работа. Повредата е во минатото, сега се фокусираме на мечот со Пик Сегед. Очекувам добар резултат и со голем оптимизам го очекуваме дуелот. На сите противници им е тешко во пеколната атмосфера пред нашите гледачи. Нашиот дом е тешко освоив за сите ривали, а тоа ќе го докажеме и на следниот натпревар против Сегед. Мислам дека сме на добар пат, одлично тренираме, тимот е расположен и се наоѓа во позитивен моментум. Не го гледав дербито во Унгарија помеѓу Веспрем и ПИК Сегед затоа што и ние игравме во истиот термин, но од тоа што чув, следниот ривал прикажал извонредна игра. Таму има многу добри и искусни ракометари, затоа мора да сме свесни дека овој меч ќе биде исклучително тежок за нас.“- изјави голманот на Еурофарм.
Саид Хаидарирад е подготвен и мотивиран, а неговото враќање во тимот го зајакнува битолскиот состав пред дуелот со ПИК Сегед, каде што домашната атмосфера ќе биде дополнителен „осми играч“ за тимот.
