Второлигашот Арсими од Чегране испиша клупска историја, откако за првпат се пласираше во големото четвртфинале од Купот на Македонија со што клубот од Чегране е меѓу осумтте најдобри екипи во Македонија.
Арсими во осминафиналето иако не беше фаворит, покажа и демонстрира одличен фудбал и со тоа оствари историска победа од 3:1 над прволигашот Воска Спорт.
„Ви благодариме на сите за големата поддршка, победата е посветана на дијаспората која максимално се грижи за условите на играчите, на персоналот за неуморната работа и раководството за пожртвуваноста“, велат од Арсими.
Арсими доминира и во Втората лига и сака сериозно до крај од првенството да се бори за местата за Прва лига. Тренерот Вилдан Салиу во изјавата за Спортска Мрежа после победата над Кожуф во првата фаза од Купот, истакна дека од втор план сакаат до крај да одат во Купот на Македонија, а во Втората лига имаат максимален фокус за висок пласман.
Вчера се славеше големиот успех, но од денес фокусот е на натпреварот со екс прволигашот Скопје, меч кој Арсими го игра на домашен терен во рамки на 9. коло од Првата лига.
