Слога Виница и Големо Коњари имаат солидна бодовна предност на патот кон освојување на баражот за можен влез во Втората лига.
Слога Виница е лидер на табелата во Трета лига – Исток со максимални 18 бодови на своето конто, односно има скор од шест од шест. Пет бодови е предноста на некогашниот второлигаш од Виница во однос на Овче Поле од Свети Николе кој е втор со 13 бодови, а пак на третото место е поранешниот прволигаш Хоризонт Турново со 11 бодови на своето конто.
Во овој третолигашки регион Слога Виница е главен фаворит за првото место и баражот за Втора лига, а клубот има отворени амбиции и сака враќање во Втората лига. За таа цел ангажираше квалитетни засилувања, а во зимскиот преоден рок ќе бидат ангажирани три до четири квалитетни засилувања дознава Спортска Мрежа со што Слога Виница веќе од тој момент ќе се подготвува за баражот за Втора лига.
- ТАБЕЛА ОД ТРЕТА ЛИГА – ИСТОК, 6. КОЛО:
Во Трета лига – Југ по седум одиграни натпревари лидер на табелата е Големо Коњари кој има 18 бодови на своето конто со скор од шест победи и еден пораз. На второто место е новиот третолигаш Венец од Долни Дисан со пет бодови помалку односно 13 бодови, а пак на третото место е Башкими 2008 со 12 бодови на своето конто.
Во овој регион Големо Коњари е тој кој што пројавува амбици за првото место и баражот, сите останатите екипи одат на картата да напаѓаат и да форсираат за прво место доколку им се укаже шанса.
- ТАБЕЛА ОД ТРЕТА ЛИГА – ЈУГ, 7. КОЛО:
Во Трета лига – Југозапад ќе биде повеќе од неизвесно околу првото место и баражот за Втора лига. Неколку екипи ќе водат борба на фудбалските терени за да дојдат до првото место и баражот за Втора лига. По шест кола лидер е Преспа од Ресен со 13 бодови, а толку бодови има и битолски Евротип кој е втор. Кораби е трет со 12 бодови, на четвртото место е Сатеска од Волино со 11 бодови. Велешта е петта со 10 бодови, а пак ланскиот второлигаш Караорман од Струга е шести со девет бодови. Овие екипи ќе водат борба за висок пласман, но колку од нив ќе издржат до крај од првенството да водат борба за првото место останува да видиме, а тоа и ќе ја направи лигата неизвесна.
- ТАБЕЛА ОД ТРЕТА ЛИГА – ЈУГОЗАПАД, 6. КОЛО:
Во Трета лига – Запад лидер на табелата е ланскиот второлигаш Тетекс со 16 бодови, а толку бодови има и ланскиот шампион Влазерими кој е втор. Овие две екипи ќе водат сериозна борба за првото место и баражот за Втора лига. Тетекс сака експресно враќање во Втора лига, а пак Влазерими сака по третпат во низа да биде шампион во Трета лига – Запад и од третпат да се обиде да го помине баражот за влез во Втора лига.
Седмото коло ќе се комплетира денес меѓу Речица и Ренова, а пак мечот меѓу Речица и Напредок официјалн се’ уште не е затворен со службен резултат, од таа причина е таква состојбата на официјалната табела.
- ТАБЕЛА ОД ТРЕТА ЛИГА – ЗАПАД, 7. КОЛО:
Во Трета лига Север е неизвесно барем засега, таму главен фаворит за првото место е Шкендија од Арачиново, која моментално е на второто место со 16 бодови, односно бод негатива во однос на лидерот Фортуна, но Шкендија Арачиново има меч помалку, кој ќе го одигра следната среда против Риниа, меч од вонредното вчерашно 7. коло.
На третото место е Беса Влазрими со 15 бодови, а пак некогашниот прволигаш Еуромилк ГЛ се спушти на 4. место со 15 бодови.
Овие екипи пополека прават некој пресек во однос на останатите екипи и се оделуваат кон борбата за првото место и баражот за Втора лига.
- ТАБЕЛА ОД ТРЕТА ЛИГА – СЕВЕР, 7. КОЛО
Потсетување дека петте шампион во Трета лига заедно со второлигашот кој ќе заврши на 14. место во Втора лига, играат меѓусебни бараж натпревари за влез во Втора лига.
Спортска Мрежа и Александар Ванев како спортски новинар и натаму стојат на ставот дека баражите мораат да бидат укинати, односно шампионите во Трета лига да имаат директен влез во Втора лига.
- АНАЛИЗА НА СПОРТСКА МРЕЖА: Треба ли шампионите во Трета лига да играат бараж за Втора лига?
