Фаворитот Големо Коњари се намачи на домашен терен и со минимални 1:0 славеше над Младост од Кривогаштани со голот на искусниот Мустафа Селманоски во 70. минута.
Поранешниот второлигаш Росоман во меч со седум гола славеше на гостински терен против Слога. Неизвесен меч се одигра во Лажани, а победникот беше реше во 93. минута.
Каришиќ во 7. минута погоди за 1:0, а Темелковски по една минута подоцна за 1:1. Во 43. минута Миланов постигна гол за пресврт и 1:2 на полувреме. Во второто полувреме Слободан Дуков даде гол за 1:3, а потоа со два гол Угљанин израмни на 3:3.
Во финишот двете екипи креираа шанси за погодоци, а во 93. минута Јованов постигна гол за голема победа на гостинот од конечни 3:4.
Влазними Јуниор на домашен терен преку пресврт беше убедливо поразен од Башкими 2008 со резултат од 1:4. По само четири минути игра домашниот тим со голот на Мемедоски дојде до 1:0, а потоа Ахмедовски и Лазами погодија за 1:2 на полувреме. Во вториот дел Ахмедовски и Лазами постигнаа уште по еден гол за конечни 1:4.
Реми со по еден гол за конечни 1:1 на Питу Гули и Бучин. Без погодоци заврши првиот дел, а во второто полувреме Јованоски постигна гол за 0:1, а пак Алиоски во 60. минута ги постави конечните 1:1 за поделба на бодовите.
Венец со убедливи 3:0 го збриша Обршани откако на полувреме со погодоците на Илов и Ристовски имаше два гола предност, а во вториот дел Цветков ги постави конечните 3:0.
Новиот третолигаш Дреново со 4:2 го декласираше Ултрас во меч каде Армен Мемедов беше стрелец на сите четири гола за домашниот тим, а за гостинот стрелци беа Тошески и Тасеки во вториот дел од натпреварот.
Главниот судија Драган Стевановски од Велес имаше доста работа на самиот ме бидејќи подели три жолти картони кај домашниот тим и три жолти кај гостинскиот тим, но и црвени картони.
Капитенот на домашниот тим Ѓоке Ангелов доби црвен картон во 79. минута недозволена игра со рака, а во 90. минута директен црвен картон доби Методиј Наумоски од екипата на Ултрас поради физички напад, како што е заведено во официјалниот записник од натпреварот.
Дополнително на натпреварот биле доделени два директни црвени картони на гостинската управа односно на Димче Христовски во 63. минута, а после натпреварот и на Зоран Ристески.
