Започна новата сезона во Првата футсал лига, а на стартот од новата сезона двата нови прволигаши забележаа пораз. Во Штип повратникот Мал Ајакс загуби од Јувентус Серава од екипата на Јувентус Серава со 2:3.
Штипјани по неколку години се вратија во елитата, но стартуваат со пораз, а гостинот уште во првиот дел отвори одлично. Сали Салиевски по четири минути го отвори резултатот, а веќе во 12-тата минута беше 0:3 со погодоците на Бејтула Јакупи и Фестим Аџами. Пред крајот на првиот дел Филип Слободановски погоди за 1:3 на полувреме.
Во вториот дел Мал Ајакс имаше сили само да го ублажи поразот на 2:3.
Новиот прволигаш Балкан на домашен терен загуби од екипата на Кеги Моби од Велес со резултат од 4:8. За домашнит тим двоен стрелец беше Ибрахим Алији, а по еден гол постигнаа Пајтим Реџепи и Ерол Џалип.
За гостинот од Велес хет-трик имаше Димче Андов, а пак Стефан Димовски беше двоен стрелец. По еден гол постигнаа Петар Левков, Александар Михајлов и Трајче Трајков.
Ланскиот финалист во Купот, екипата на Осогово загуби на гостувањето кај Шкупи со резултат од 7:5, а овој пораз се должи на лошото прво полувреме.
Во првиот дел Шкупи беше перфектен и на пауза замина со предност од 5:1, а во вториот дел гостинот од Крива Паланка заигра многу подобро, но не доволно за да дојде до позитивен резултат.
За домаќинот двојни стрелци беа Бурак Мемедов и Абдил Кадир Јахја, додека пак по еден гол постигнаа Зекир Зејнели кој го отвори резултатот во 2. минута, Љавдрим Фазлију и Агрон Фазлију. За гостинот стрелаа Давид Ристовски и Стефан Димитровски, а пак Никола Спасовски беше двоен стрелец, додека пак фудбалерот на домашниот тим, Зекир Зејнели си постигна автогол.
Денес Клими ќе игра со Бутел во Кавадарци, а колото ќе се комплетира со дербито меѓу Проект и шампионот Форца, меч кој е одложен поради европските обврски на Форца.
