Историската вечер за Шкендија против ирскиот Шелбурн не донесе само радост на теренот, туку и сериозна финансиска добивка за клубот од Тетово. Победата од 1-0 во рамките на Конференциската лига ѝ обезбеди на Шкендија дополнителни 400.000 евра награда од УЕФА.
Клубот веќе инкасираше над 3,1 милион евра само со пласманот во групната фаза – што претставува најголема сума досега заработена од македонски фудбалски клуб во европските натпреварувања. Со секој нареден позитивен резултат, Шкендија ќе ја зголемува својата добивка, а веќе следниот предизвик го има на 6 ноември против полската Јагелонија, повторно пред домашна публика во Скопје.
Покрај спортската слава, оваа победа е и голем поттик за целиот македонски фудбал, бидејќи ја потврдува вредноста на нашите клубови во Европа и покажува дека со дисциплина, стратегија и поддршка – успехот може да биде и спортски и финансиски.
