Нов Дојран ќе биде домаќин на едно од најголемите карате случувања во регионот – меѓународниот турнир „5 November Dojran Open“, кој ќе се одржи на 1 ноември годинава во спортскиот центар „Истатов“.
Организатор на настанот е Карате клуб Дојран, под покровителство на Светската карате федерација (WKF) и Карате федерацијата на Македонија, со поддршка и од Општина Дојран.
Овој престижен турнир ќе собере голем број натпреварувачи од десетина држави, меѓу кои Македонија, Србија, Грција, Албанија, Бугарија, Косово, Босна и Херцеговина, Романија и Црна Гора. Настанот ќе биде вистински спортски празник, на кој се очекува силна конкуренција и врвни борби во повеќе возрасни категории.
„Dojran Open“ станува препознатлив бренд во карате календарот на регионот, а и оваа година турнирот ќе биде можност за младите натпреварувачи да стекнат меѓународно искуство и да ги измерaт силите со најдобрите од соседството.
Публиката во спортскиот центар „Истатов“ ќе има ретка можност да ужива во ден исполнет со спорт, фер-плеј и карате дух, кој веќе традиционално го краси Дојран.
