Третолигашот ФК Рудар 1947 од Пробиштип ја израдува својата навивачка армија со нова акција – започна продажбата на официјални фудбалски дресови. Со купувањето на дресовите, секој симпатизер не само што ќе го носи симболот на клубот, туку и директно ќе придонесе за растот и развојот на својот тим.
Покрај дресовите во зелено-црна комбинација, секој навивач добива и клубска картичка за лојалност. „Твојот клуб, твојот град, твојата сила“ е мотото со кое Рудар ја започна оваа иницијатива, повикувајќи ја публиката да биде „12-ти играч“ на тимот.
Заинтересираните дресови може да ги нарачаат преку порака на официјалните канали на клубот или на телефонскиот број +389 78 300 260.
Рудар по една година пауза се врати во Трета лига – Исток, а по првите четири кола има учинок од две победи, едно реми и еден пораз. Со освоени седум бодови, пробиштипскиот клуб го дели четвртото место на табелата заедно со Карбинци.
