Изминатиот викенд се одиграа натпреварите од 2. коло на Општинската фудбалска лига во Валандово, а на трите натпревари беа постигнати висок број на погодоци – вкупно 13, а пак екипата на Чешвал беше слободна.
Убедлива победа од 0:4 забележа екипата на Младост МФКУ над Тиса. Резултатот на мечот го отвори автоголот на Џошкун Амедов во 16. минута за водство на гостинскиот тим од 0:1.
Во вториот дел Трајче Костадинов во 51. минута зголеми на 0:2, а веќе во 64. минута резултат беше 0:3 со погодокот на Никола Џонов.
Во 70. минута судијата Борис Дончев покажа на белата точка, а Костадин Зајков беше сигурен за конечни 0:4.
Многу неизвесен меч со пресврти и пет погодоци го одбележа натпреварот меѓу Вардар МАР и Бирлик од Дедели, за конечни 2:3 за гостинот.
Томче Зафиров по десет минути игра го отвори резултатот за водство на гостинот од 0:1, но по пет минути Милош Костиќ постигна гол за 1:1.
Домашниот тим направи и комплетен пресврт преку голот на Мартин Павлов во 25. минута за водство од 2:1 на полувреме.
Во вториот дел херој за тимот од Дедели беше Властимир Ѓорѓевиќ, кога во 58. минута погоди за 2:2, а десет минути подоцна и со втор гол обезбеди ново водство за Бирлик од 2:3, а воедно тоа беше и конечниот резултат.
Натпреварот меѓу Црвена Ѕвезда и Младост од Удово заврши без победник со четири погодоци за конечни 2:2.
Преку Дејан Зајков и Владмир Ѓоргиев домашниот тим имаше предност од два погодоци, а во 35. минута Петар Танчев постигна гол за 2:1 на полувреме. Во вториот дел Санде Тушев погоди за конечни 2:2.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МЛАДОСТ МФКУ ➖ | 2 | 2 | 0 | 0 | 7 | 0 | +7 | 6 |
| 2 | ФК БИРЛИК с.Дедели ➖ | 2 | 2 | 0 | 0 | 8 | 4 | +4 | 6 |
| 3 | ФК МЛАДОСТ с.Удово ➖ | 2 | 1 | 1 | 0 | 5 | 2 | +3 | 4 |
| 4 | ФК ЦРВЕНА ЅВЕЗДА ➖ | 2 | 0 | 1 | 1 | 2 | 5 | -3 | 1 |
| 5 | ФК ЧЕШВАЛ ➖ | 1 | 0 | 0 | 1 | 2 | 5 | -3 | 0 |
| 6 | ФК ВАРДАР МАР ➖ | 2 | 0 | 0 | 2 | 2 | 6 | -4 | 0 |
| 7 | ФК ТИСА ➖ | 1 | 0 | 0 | 1 | 0 | 4 | -4 | 0 |
