Ракомет

РК Младост од Богданци слави 48 години постоење – приказна за успеси, историја и иднина

Сподели
Сподели

Ракометниот клуб Младост Богданци денес одбележува 48 години од своето основање – далечната 1977 година започна патување кое го трасираше патот на клубот до еден од најуспешните спортски колективи во југоисточниот регион на Македонија и меѓу најголемите имиња во македонскиот ракомет.

Со своите успеси низ годините, Младост стана препознатлив бренд, клуб што го прослави Богданци на домашната и европската ракометна сцена.

Историски моменти

  • 1986 година – прво место во Првата македонска лига и пласман во Втората сојузна лига на Југославија.
  • 10 години по ред – редовен учесник во европските купови.
  • 1996/97 сезона – најголемиот успех во историјата: пласман во четвртфиналето на Купот на победниците на куповите.
  • Епските натпревари со Морнар Бар, ремито со Сиудад Реал во Шпанија и историскиот гол на русинот Јарослав Сичев се врежани во колективната меморија на богданчани.

Современите достигнувања

Во поновата историја, Младост продолжува да се развива и да создава млади таленти:

  • 2016/17 – освоено прво место во Првата македонска лига.
  • 2020 година – по тринаесет години, враќање во Суперлигата.
  • 2020/21 сезона – историски успех: сениорите настапуваат во Суперлигата, а кадетите освојуваат сребрен медал и второ место во Македонија.
  • 2022, 2023 и 2024 година – редовно меѓу топ 3 екипи во Првата лига, со освоени бронзени и сребрени медали во младинските категории.

Денес, клубот располага со база од над 90 членови, млади надежи кои доаѓаат од повеќе градови и села во околината, со цел да ја продолжат традицијата и успехот на Младост.

Проектот Академија Младост

Во 2018 година, поранешниот репрезентативец и легенда на клубот Мите Стоилов, заедно со Никола Роглев и дел од поранешните играчи, го започнаа проектот РК Академија Младост. Целта беше враќање на стариот сјај на ракометот во југоистокот, преку создавање база на таленти и нивна едукација.

Проектот прерасна во денешниот РК Младост 1977 Богданци, кој останува симбол на градот и бренд со богата традиција.

Прослава со натпревар

По повод роденденот, вечерва љубителите на ракометот во Богданци ќе имаат можност да присуствуваат на натпреварот помеѓу РК Младост и РК Куманово.

Мечот се игра во спортската сала во Богданци од 20 часот.

Клубот ги повикува сите навивачи да дојдат и да бидат дел од прославата на овој значаен јубилеј.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

РепрезентацијаФудбалска репрезентација

Познати термините за баражот на Македонија против Кипар

По жрепката во Нион, УЕФА ги одреди и термините за одигрување на бараж натпреварите во сите конкуренции од Лигата на нации. Првиот дуел...

Кошарка

Скопје преживеа пресврт во финишот: Паркер ја запечати втората победа

Скопје стигна до драгоцена победа над Тиквеш Голден Игл со 97:94, во воведен натпревар од осмото коло на МТЕЛ кошаркарската Суперлига. Домаќините испуштија...

Поврзани написи
Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот...

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ...

Ракомет

Вардар го скрши отпорот на Мулти Есенс – Фадуил со 11 гола го предводеше шампионот до нова победа

Ракометарите на Вардар 1961 ја оправдаа фаворитската улога на гостувањето кај Мулти...

Ракомет

По Еурофарм Пелистер, европски испит: Алкалоид има три дена до Горење

Победата над Еурофарм Пелистер со 30:28 му даде силна увертира на Алкалоид...

✕
error: Содржина е заштитена! Се забранува копирање на истата!