Селекторот на македонската А репрезентација, Благоја Милевски, го соопшти списокот на повикани фудбалери за претстојните натпревари во септември. Македонија најпрво ќе одигра контролен меч против Саудиска Арабија (4. септември, стадион „Викторија Жишков“ – Прага), а три дена подоцна ќе го пречека Лихтенштајн (7. септември, Национална арена „Тодор Проески“) во рамки на квалификациите за Светското првенство 2026.
Во списокот на Милевски се најдоа вкупно 26 играчи, меѓу кои и двајца дебитанти – Решат Рамадани од Шкендија и Елмин Растодер од швајцарскиот клуб Тун.
Составот на Македонија изгледа вака:
-
Голмани: Столе Димитриевски (Валенсија), Дејан Илиев (УТА Арад), Дамјан Шишковски (Борац Бања Лука), Игор Алексовски (Фљамуртари)
-
Одбрана: Висар Муслиу (Падерборн), Никола Серафимов (Левски Софија), Езѓан Алиоски (Лугано), Ѓоко Зајков (Ајман), Андреј Стојчевски (Словачко), Дарко Велковски (Зрињски), Стефан Деспотовски (ОФК Београд), Бојан Илиевски (Струга Трим Лум)
-
Среден ред: Енис Барди (Коњаспор), Јани Атанасов (Лариса), Елиф Елмас (Лајпциг), Исник Алими (Далиан Јингбо), Лука Станковски (Раднички Крагуевац), Тихомир Костадинов (Сигма Оломуц), Решат Рамадани (Шкендија)
-
Напад: Бојан Миовски (Џирона), Милан Ристовски (Бохемианс 1905), Дарко Чурлинов (Барнли), Александар Трајковски, Лирим Ќамили (Сондерјиске), Димитар Митровски (Олимпија Љубљана), Елмин Растодер (Тун)
Собирот на репрезентацијата е закажан за 1 септември во 12:30 часот.
