Одбојкарска репрезентацијаРепрезентација

Македонија не успеа да ја изненади Грција!

Сподели
ФОТО: ОФМ
Сподели

Македонската машка сениорска одбојкарска репрезентација не успеа на гостувањето во Атина да го потврди четвртото учество по ред на Европско првенство. Во претпоследното коло од квалификациите, Грција ја оправда фаворитската улога и победи со 3:0 (25:18, 25:15, 27:25).

Иако „црвено-жолтите“ се надеваа на изненадување и рано обезбедено место на континенталниот собир, домашниот тим не дозволи такво сценарио. Грција веќе го обезбеди својот евро-билет, а Македонија во недела, во СЦ „Борис Трајковски“ против Грузија, мора да слави со максимални 3:0 за да се најде меѓу петте најдобри второпласирани селекции и да патува на ЕвроВолеј 2026.

Првиот сет почна одлично за нашите, кои од 0:2 со серија од 5 поени поведоа со 5:2, што ги принуди Грците да побараат тајм-аут. До средината на сетот се играше израмнето (11:11, 15:13), но домаќинот потоа го наметна својот ритам и рутински го доби сетот со 25:18.

Слична беше сликата и во вториот сет – Македонија парираше до 13:10, по што падна во ритам и дозволи Грција да поведе со 2:0 (25:15).

Најголемата шанса за освоен сет ја имавме во третиот период. Нашите водеа со пет поени разлика (5:10, 7:12), но Грција изедначи на 14:14. Се водеше игра на нерви, а Македонија имаше две сет-топки (23:24 и 24:25), кои не ги искористи. Следуваше казна – 27:25 за конечни 3:0.

Најефикасен беше Никола Ѓоргиев со 13 поени, Филип Савовски додаде 7, а Филип Маџунков и Александар Љафтов по 6 поени.

Репрезентацијата се враќа во Скопје, а во недела во 20:00 часот, ќе ја пречека Грузија во решавачкиот меч за пласман на Европското првенство 2026.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот европски предизвик, откако остварија значајна победа во дербито против Еурофарм Пелистер....

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ Европскиот Куп, каде што за противник го има литванскиот Драгунас Клаипеда....

Поврзани написи
Кошаркарска репрезентацијаРепрезентација

Селекторот Берокал го објави списокот на кошаркари за дуелот со Кипар

Селекторот на машката сениорска репрезентација на Македонија, Жозеп Марија Берокал, го објави...

РепрезентацијаФудбалска репрезентација

Македонија против Кипар во баражот за опстанок во Б Лигата на нации

Репрезентацијата на Македонија го доби противникот во баражот за опстанок во Б...

РепрезентацијаФудбалска репрезентација

Изов го објави списокот на фудбалерки до 19 години за настап на квалификации за ЕП

Селекторот на женската репрезентација до 19 години, Кирил Изов го објави списокот...

Одбојкарска репрезентацијаРепрезентација

Македонските одбојкарки ги дознаа противниците и распоредот во Европската лига 2027

Женската сениорска одбојкарска репрезентација на Македонија ги дозна противниците и термините за...

✕
error: Содржина е заштитена! Се забранува копирање на истата!