Кошарка

Лична победа на Ема Никочевиќ – судијката ја победи болеста и се врати на теренот

Сподели
ФОТО: Кошаркарска федерација на Македонија
Сподели

По месеци тешка здравствена борба, македонската кошаркарска судијка со ФИБА знак, Ема Никочевиќ, направи триумфално враќање на паркетот.

Во пријателскиот натпревар меѓу кадетските селекции на Македонија и Швајцарија, одигран во СРЦ „Кале“ – Скопје, Никочевиќ повторно ја „свирна“ првата одлука, симболично означувајќи почеток на ново и лично поглавје во нејзиниот живот и кариера.

По тешка болест која ја оддалечи од спортот и ја стави во сериозна животна опасност, нејзиното враќање на теренот е инспирација и доказ дека храброста и љубовта кон спортот победуваат сè.

ФОТО: Кошаркарска федерација на Македонија

Во емоционална изјава, Ема го опиша чувството на враќање:

„По двомесечна пауза, моето враќање на теренот како кошаркарски судија беше исполнето со мешавина од возбуда и неизвесност. Искрено, имав многу прашања во главата. Односно дали ќе успеам да се снајдам, дали ќе ја издржам физичката динамика на натпреварот, и дали ќе го следам критериумот што го бара играта. Сомнежот исчезна веднаш штом ја ‘свирнав’ првата одлука. Во тој момент, сè си дојде на свое место и влегов во ритам. Се чувствував сигурно, стабилно и поддржано, благодарение на извонредниот судиски тим што беше со мене, Иван Мијалковски и Бисера Јакова, делегатот, како и целата записничка маса, кои имаа разбирање и создадоа пријатна и професионална атмосфера.“

Во натпреварот со неа рамо до рамо беа колегите Иван Мијалковски и Бисера Јакова, заедно со делегатскиот тим и службените лица кои ѝ дадоа безрезервна поддршка.

ФОТО: Кошаркарска федерација на Македонија

Во вториот дел од изјавата, Ема додава:

„Особено сакам да изразам голема благодарност до Кошаркарската федерација на Македонија за континуираната поддршка. Тоа што повторно бев на терен, и што се снајдов одлично, ми донесе исклучителна радост и потврда дека сум подготвена и посилна од кога било.

Овој натпревар за мене беше повеќе од само спортска задача – за мене значеше лична победа.“

Животот пишува драми поголеми и од финалиња, но како што Ема покажа – најважно е никогаш да не се откажеш.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Останато

Јовановски и Деспотовски на 40. Конгрес на ФИВБ во Доминиканска Република

Претседателот на Одбојкарската федерација на Македонија, Петар Јовановски, и генералниот секретар Филип Деспотовски ќе учествуваат на 40. Конгрес на Светската одбојкарска федерација (ФИВБ),...

РепрезентацијаФудбалска репрезентација

Изов го објави списокот на фудбалерки до 19 години за настап на квалификации за ЕП

Селекторот на женската репрезентација до 19 години, Кирил Изов го објави списокот на фудбалерки кои се во конкуренција за настап на квалификацискиот турнир...

Поврзани написи
Кошарка

(ФОТО) Работнички го урна шампионот во вечното дерби – МЗТ на колена, „црвено-белите“ со седум од седум во Суперлигата!

Кошаркарите на Работнички продолжуваат да доминираат во новата сезона од МТЕЛ Суперлигата!...

Кошарка

Кошаркарска драма во Гевгелија и Кавадарци, Куманово ја декласираше Струмица

Седмото коло од МТЕЛ кошаркарската Суперлига донесе две неизвесни пресметки во кои...

Кошарка

Од четири порази до три победи: Штип ја продолжи серијата со 103 поени против Скопје

ГКК Штип ја забележа третата последователна победа во МТЕЛ Суперлигата, совладувајќи го...

Кошарка

Гостивар и Вардар во дерби за врвот, Феникс 2010 го брани лидерското место!

Возбудувањата во Првата македонска кошаркарска лига продолжуваат викендов со натпреварите од шестото...

✕
error: Содржина е заштитена! Се забранува копирање на истата!